مسلم يفاجئ الجمهور: «كنت مسؤولا عن مسجد لمدة 3 سنوات»
![مطرب المهرجانات مسلم](https://cdn.al-ain.com/lg/images/2024/4/02/135-143445-muslim-festival-singer-muezzin_700x400.jpg)
تحدث مطرب المهرجانات مسلم عن قصة تحوله من مؤذن إلى مغن بعد سنوات من إدارته لمسجد، وفاجأ الجمهور بتأدية الأذان على الهواء.
وقال مسلم، خلال لقائه في برنامج "أسرار" على شاشة "النهار"، إنه كان مسؤولًا عن مسجد في الحي الذي يسكن فيه، وهو في عمر الخامسة عشرة، فكان يؤذن فيه ويؤم الناس للصلاة واستمر هكذا لمدة 3 سنوات.
واعتبر أن فترة عمله في المسجد كانت من أجمل الفترات في حياته، قائلا: "الفترة دي كنت مبسوط وراضي جدًا، ويمكن اللي حولني للعودة للغناء هو حبي لموهبتي، أنا اتبدهلت أوي عشان موهبتي، شفت أيام مفيش حد شافها".
وفاجأ مطرب المهرجانات مقدمة البرنامج الإعلامية أميرة بدر بتأدية الأذان على الهواء مباشرة، مشيرا إلى أنه لا يقتنع بكلام الشيوخ أن الغناء حرام.
وقال: "مبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه"، وعن التزامه بالدين، قال: "ممكن أصلي ولكن في حاجات بتفوتني ومش زي الأول، وبتمنى ربنا يهديني وأرجع تاني".
وحكى مسلم أنه بدأ الغناء في سن الثامنة، قبل أن يعود إلى احتراف الغناء في سن الثامنة عشرة بعد عام واحد من ترك عمله في المسجد، وبرر ذلك: "الغناء كان حلمي منذ الصغر، حتى خلال فترة عملي في المسجد كان هدف جوه نفسي".
وتطرق مسلم للحديث عن كواليس طلاقه لميكا البغدادي، أم طفله الوحيد، موضحا أن حياته الشخصية وتفاصيلها غطت بقدر كبير مؤخرا على الأعمال الفنية التي يقدمها، مشددا على أن البيت أهم من الفن.
وتابع مسلم: "أنا زي أي حد طبيعي بنزل ستوريهات، ولما طلعت أعلنت انفصالي عن طليقتي عملت كده عشان الناس متفكرش إننا لسه مع بعض"، معتبرا أن طليقته أصبحت مشهورة بسببه بعد الطلاق.
وعن سبب طلاقه، قال مطرب المهرجانات: "أنا لما طلقت عملت كده عشان مفيش تواصل ما بينا ولا فهم، وكانت صاحبتي، واكتشفنا إن دماغنا مش شبه بعض"، معتبرا أنه "مش من الرجالة اللي بيتشهروا يشوفوا زوجة تانية، والحمد لله احنا مرتاحين ماديا من زمان".
وكشف عن طبيعة علاقته بطليقته قبل زواجهما، قائلا: "أنا متجوزتهاش عن حب، لكن هي أكيد كانت بتحبني لكني بحبها بعشرة مش عن حب أوي، وانفصلنا بكل احترام وابني حتة من قلبي وبشوفه كتير".
وعن زواجه في سن مبكرة، قال مسلم: "اللي سرعني في الجواز والارتباط اني مبحبش أمشي غلط عشان كده اتجوزت بدري، لأني راجل شرقي وصعيدي من طهطا في سوهاج، واتعلمت الرجولة والشهامة والأصول ومقصرتش مع أي حد، واتعلمت ان البيت أهم من الفن".
وأعلن مطرب المهرجانات خبر عودته لخطيبته السابقة يارا، والتي انفصل عنها بعد أيام قليلة من إعلان الخطوبة، وحكى تفاصيل ما حدث منذ الخطبة حتى عودتهما ثانية.
وقال: "خطبت بعد طلاقي بـ 7 شهور، لأني حبيت من قلبي مش بعقلي، المرة اللي فاتت كانت اختيار الناس وأني اقعد في البيت واتجوز وممشيش غلط، لكن المرة دي اختيار قلبي، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت انها اخدتني من طليقتي وابني".
وتابع: "أنا حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة"، معتبرا أن إعلانه فسخ الخطوبة كان "تسرع مني، وبندم اني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل اسرة وحياة".
واختتم: "احنا رجعنا لبعض لاننا مستحملناش نبعد عن بعض، ومرضيناش نقول إننا رجعنا عشان الناس متفكرش نعمل لقطة ولا تريند، ومش حابب حد يحطها في الحتة دي لأنها أنضف من كده".