"استسلمت للتنميط".. نشوى مصطفى "غير راضية" عن مسيرتها الفنية

كشفت الممثلة المصرية نشوى مصطفى عن عدم رضاها عن مسيرتها الفنية بسبب القيود التي وضعتها في اختياراتها الفنية.

وكتبت نشوى مصطفى منشوراً عبر حسابها في "فيسبوك" روت خلالها قصتها مع التمثيل.

وقالت نشوى: "حلمي أني أكون ممثلة بدايته كانت وأنا عندي ١١ سنة، كانت أول مرة أشوف فيلم (باب الحديد) الممثل اللي بيعمل دور (قناوي) سحرني، مكنتش أعرف اسمه ولا أعرف أنه مخرج، ولا كنت أفهم يعني إيه مخرج".

• جيهان نصر.. شهرة وحجاب وغياب (بروفايل)

وأضافت نشوى في حديثها عن يوسف شاهين: "توحّدت مع حساس عينيه واللي لحد دلوقتي مع احترامي لكل عباقرة وأساتذة التمثيل مشفتش مساحة الصدق القصوى غير في عنين يوسف شاهين وهو قناوي".

وتابعت: "طفلة عندها ١١ سنة أحلامها شبّت خارج حدود أسوار طبقة اجتماعية، متفهمش يعني إيه لما يسألوها عايزة لما تكبري تطلعي إيه تقول لهم عايزة أبقى ممثلة".

واستكملت: "حاربت علشان أكون ممثلة، وقدرت وبشروطي، بس معرفتش أحارب علشان أكون ممثلة زي ما كنت أتمنى، استسلمت للتنميط ودي كانت شروطهم طالما أنا ليّا شروط".

واختتمت نشوى مصطفى حديثها قائلة: "أحياناً كنت باقدر أفلفص بس وأنا بأقرب من النهاية، اعتذر لنفسي أنني بمساعدة آخرين استسلمت وحرمتني من متعة أنني أكون زي ما اتمنيت، ضيّعت وضيّعوا عليّا فرصة الحياة، الحمد لله فى كل الأحوال، الحمد لله دايماً، الحمد لله".