رنا سماحة: «فنانين شباب بيقاطعوني عشان أصحاب الـx.. أنا أرجل من كده»

توجه المطربة المصرية رنا سماحة رسالة مباشرة إلى بعض الشعراء والملحنين متهمة إياهم بمقاطعة فنية نتيجة علاقتهم بطليقها.

أعربت المطربة رنا سماحة، عبر منشور نشرته على صفحتها الرسمية بموقع التواصل الاجتماعي "فيسبوك"، عن استيائها من رفض بعض الشعراء والملحنين الشباب التعاون معها فنياً، مرجعة ذلك إلى صداقاتهم الشخصية مع طليقها، دون أن تذكر اسمه صراحة.

مقاطعة فنية بسبب "الـx"

قالت رنا في منشورها: "الموضة الجديدة بقت إن مجموعة من الفنانين المبدعين الشباب قرروا يعملولي مقاطعة ظاهرية، ومش يشتغلوا معايا علشان هم أصحاب الـx، على أساس إني هقعد في البيت ومش هلاقي حد أشتغل معاه".

وأعربت عن رفضها لما وصفته بـ"الحروب المستترة"، ووجهت رسالة حادة إلى من يقاطعها: "لو إنت منهم وبتقرأ البوست، ياريت تشيل نفسك من عندي ومتبعتليش برايفت بقي، طالما راجل وصاحبك وبتاع، متتعاملش معايا إنسانياً خالص، واعتقد ده أولى.. مش كده ولا إيه؟".

•  «طلب فلوس الهدايا والخروجات».. رسالة غامضة من رنا سماحة

رسالة مباشرة إلى المقاطعين

• بعد حكم محكمة الأسرة.. رنا سماحة تعود إلى منزلها بصورة عائلية تجمعها بابنها

تابعت سماحة في منشورها: "أصل ده لما بيحصل في الشغل، بلاش أقولك بنقول عليكوا إيه، أنا ماليش في الحروب المستخبية دي خالص، أنا أرجل من كده بكتير".