شاهيستا ابنة انتصار عن الأدوار الجريئة: "حاطّة خطوط حمراء" (فيديو)
بعد فوزها بلقب "ملكة جمال مصر للمراهقات"، قالت شاهيستا نادر، ابنة الفنانة المصرية انتصار، إنها تضع لنفسها خطوطا حمراء.
وأضافت شاهيستا ابنة انتصار، في تصريحات تليفزيونية، الإثنين: "أنا حاطّة خطوط حمراء، ولما أكبر هلتزم بيها، بدل ما يحصل حاجة وحشة".
وتدخلت الفنانة انتصار لتوضيح مفهوم ابنتها عن الخطوط الحمراء، وقالت في لقائهما مع برنامج "الستات": "الخطوط الحمراء حتى لا تكون إكليشيه، هي مشاهد الإغراء والبوس والكلام المكرر ده".
وأضافت انتصار: "المهم (شاهيستا) تعمل الأدوار اللي هي عايزاها، واللي هتعمل لها إضافة، متعملش أدوار من باب إنها تسلقها أو يلا أكل عيش.. لأ المفروض تنتقي علشان تحاول تعمل لنفسها مستوى".
وعادت شاهيستا للحديث، قائلة: "هعمل حاجات استريح فيها، مش حاجة مجبرة عليها، ومش حاجة متريحنيش وأنا بعملها".
وعند سؤالها عن إمكانية عمل أدوار جريئة، قالت: "ممكن أتحفظ أحسن ما أتجرأ ويحصل حاجة وحشة، الناس بقت تخوف جدًا، وما بتصدق تسمع حاجة غلط وتفتح لك موضوع كبير أوي".
شاهيستا نادر.. ملكة جمال مراهقات مصر
وفي أواخر أغسطس/آب الماضي، فازت شاهيستا نادر بلقب ملكة جمال المراهقات في مصر، وكشفت كواليس مشاركتها في مسابقة ملكة جمال مصر للسياحة والبيئة للمراهقات 2022، ورد فعل والدتها الفنانة انتصار.
وقالت ابنة انتصار، في تصريحات تليفزيونية بعد الفوز بلقب المسابقة: "ماما فخورة بيا جدا، ودايما بتشجعني وتقولي بنتي الجميلة، وواثقة فيا مهما عملت، ومهما فشلت عندها أمل فيا".
وعن كواليس المسابقة، قالت شاهيستا نادر: "عرفت بالمسابقة عن طريق صديقتي، وحاولت أشترك السنة اللي فاتت، وكانت تجربة جميلة أنصح كل البنات بيها، واتعرفت على ناس جديدة وشخصيات مختلفة".
وأكدت أن توقيت المسابقة جيد للغاية: "كان كويس جدا من بداية إجازتي، وأنا وكل البنات المشتركات ماكنش في غيرة بينا وكنا بنساعد بعض"، مؤكدة أنها تتطلع إلى العمل الخيري والتطوعي والتمثيل.
aXA6IDEzLjU4LjIxOC4xNiA= جزيرة ام اند امز