السيسي يحضر قداس عيدالميلاد بكاتدرائية "ميلاد المسيح": "الجمهورية الجديدة لنا جميعا"

حضر الرئيس المصري عبدالفتاح السيسي، مساء الخميس، قداس عيد الميلاد المجيد، بكاتدرائية "ميلاد المسيح"، بالعاصمة الإدارية الجديدة، بمصر.

وفي كلمة قصيرة له، قال عبدالفتاح السيسي: "عاهدنا ربنا وعاهدناكم وبدأنا مع بعض وإن شاء الله هنكمل مع بعض لأن كلنا إيد واحدة".

وأضاف السيسي: "طريق الجمهورية الجديدة يتسع للجميع دون فرق أو تمييز، نعيش فى سلام وأمان مع بعض.. وأوعوا حد يدخل بينا.. أوعوا حد يفتنا.. لأن ده مش هينتهي.. كل ما هنكمل وهننجح، الكلام لكل الناس للمصريين مش لحد محدد".

وتابع: "ربنا يعينني إني أكون خادم أمين وشريف للبلد دي، يارب يعيننا على كده.. وزي ما قولت البلد بلدنا كلنا تسعنا كلنا.. وإحنا ربنا سبحانه وتعالي هو اللى بيحمي.. إحنا في بيت من بيوت ربنا.. ولازم تعرفوا إن اللي حامي البلد ربنا سبحانه وتعالى.. دايما ندعوه ونتوسل له يحمينا ويهدينا وهو بيسبب الأسباب".

وقال: "الجمهورية الجديدة هي الحلم والأمل والعمل، القادرة وليست الغاشمة، المسالمة وليست المستسلمة.. هنبني مع بعض .. أي تحدي وصعاب تهون لو إحنا كلنا على قلب راجل واحد.. كلنا مع بعض.. كل عام وأنتم بخير ومصر بخير والدنيا كلها بخير.. كنت أتمنى أسلم عليكم كلكم.. لكن يعني ربنا يزيح عننا الجائحة ويحمينا ويحميكم كلكم".

واختتم الرئيس السيسي، كلمته، قائلا: "انتوا متعرفوش التقدير والمحبة اللى بكنها لقداسة البابا.. خلي بالكم الرجال توزن في المواقف الصعبة جدا".

ويترأس البابا تواضروس الثاني، بابا الإسكندرية بطريرك الكرازة المرقسية، صلوات قداس عيد الميلاد المجيد من كاتدرائية ميلاد المسيح بالعاصمة الإدارية الجديدة، شرقي القاهرة، بمشاركة مجموعة من أباء المجمع المقدس والكهنة والرهبان وعدد محدود من شعب الكنيسة بسبب الظروف الخاصة بفيروس كورونا المستجد.

واستقبل البابا تواضروس الثاني، السيسي لدى وصوله، بصحبته الأساقفة المشاركين له في الصلاة، وذلك عند المدخل المؤدي إلى الكنيسة وسط أجواء من الترحاب.

وشهد دخول السيسي إلى الكنيسة الكبري بكاتدرائية ميلاد المسيح، حالة من الفرح بين المشاركين في الصلاة، الذين رفعوا أعلام مصر والورود ترحيبا به، حيث حرص السيسي على مصافحة مجموعة كبيرة من الحاضرين للصلاة مقدمين له باقات من الورود.

aXA6IDMuMTQ5LjIxNC4yMjMg

جزيرة ام اند امز