زيزو وتأشيرة أمريكا.. دليل جديد يقربه من الأهلي
أعطى أحمد مصطفى "زيزو"، نجم الزمالك المصري، بطريقة غير مباشرة دليلاً جديداً على قرب انتقاله إلى الغريم التقليدي الأهلي بتصرف مفاجئ.
وينتهي عقد أحمد مصطفى "زيزو" مع الزمالك بنهاية الموسم الحالي، ليرتبط اسمه بقوة بالانضمام إلى الأهلي في صفقة جديدة مدوية.
وتواجد زيزو في السفارة الأمريكية لاستخراج تأشيرة السفر إلى الولايات المتحدة الأمريكية، وانتشرت الصورة بشكل واسع على مواقع التواصل الاجتماعي.
زيزو يحصل على تأشيرة أمريكا
وجاء ذلك من أجل سفر زيزو إلى أمريكا للمشاركة مع الأهلي في كأس العالم للأندية 2025 في الصيف المقبل، بحسب موقع "يالاكورة" المصري.
وكانت تقارير صحفية ذكرت أن زيزو وقع على عقود انضمامه للأهلي لمدة 4 مواسم في صفقة انتقال حر بعد نهاية عقده مع الزمالك.
زيزو يخرج عن صمته في تصريحات نارية
وخرج زيزو عن صمته في بيان نشره عبر حسابه الشخصي على موقع التواصل الاجتماعي "إنستغرام"، ونفى من خلاله ما تردد عن توقيعه لأي نادٍ آخر، سواء داخل أو خارج مصر، مؤكداً أنه ينتظر الكلمة الأخيرة من الزمالك.
وكتب زيزو: "الحمد لله، أنا راجل يحترم كل الناس، لكن للأسف عدم ردي على المعلومات المغلوطة، والتزامي الصمت زاد عن حده، كل ساعة خبر عن توقيع أو تجديد عقد زيزو، وكل واحد بيغازل الشريحة اللي عايزها من الجمهور".
وأضاف: "بكل وضوح، أنا لم أوقع لأي نادٍ سواء داخل أو خارج مصر، اللي حصل على توقيعي يتفضل يعلن، إذا كان كلامه صحيح، كمان اللي عنده دليل على توقيعي لأي نادٍ برضو يتفضل يطلعه على الملأ، الناس لازم تعرف كويس، أنا بقدر جدا الكيان الكبير اللي أنا بلعب فيه، ولا يمكن أنكر فضله عليا".
وتابع: "لكن فيه حاجة أنا مكنتش حابب أتكلم فيها خالص، لأنه للأسف الأمور في الإعلام كلها في اتجاه واحد، ليه محدش اتكلم عن حقوقي المشروعة زي أي لاعب في الدنيا؟، ليه محدش اتكلم إن الناس سابتني بقالها شهور طويلة ومش عايزين يجددوا عقدي؟، ليه محدش اتكلم عن المستحقات المتأخرة اللي ليا بقالها كتير؟".
وأكمل: "مش لاقي حد يجاوبني، ليه محدش اتكلم إنه التجديد المرة دي جاي في مرحلة متقدمة من عمري بالنسبة للاعيبة الكورة؟، ولعيب الكورة مهما طول عمره قصير في الملعب".
وواصل: "محدش كمان اتكلم إنه ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود، ورغم كل ده، قلت وهفضل أقول أنا منتظر كلمة النادي، ورد الاعتبارات كتير مش لتجميل الصورة".
وأكد: "الجماهير لازم تكون عارفة الحقيقة، زيزو مش بيزايد، ولا بيتاجر، لكن لازم الطرف الثاني يكون عايزني أكمل، وتكون فيه استجابة لحاجة من المعروض عليا على الأقل، لكن للأسف الكلام معايا حاجة، واللي بيتقال للإعلام حاجة تانية".
وأكمل: "أنا مينفعش أجرح في حد، ولا أتكلم في حق حد، لأن اللي بيتقال في الجلسات عيب يتقال برة، على الأقل من ناحيتي، أنا مستني رد النادي لحد آخر يوم في الكونفدرالية، وأتمنى ربنا يكرمنا بيها أنا وزمايلي، وأي كلام هيتقال غير كدة في موضوع التجديد أو التوقيع قبل الموعد ده، هيكون كلام غير صحيح".
وأنهى زيزو بيانه قائلاً: "رسالتي الودية جداً للمسؤولين في النادي اللي أنا بحترمهم جميعاً، أتمنى الحوار في مسألة تجديد العقد يكون بيني وبينكم، مش عن طريق الإعلام، وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على أننا نكمل الطريق، شكرا على تفهمكم موقفي".
aXA6IDMuMTM5Ljg1LjIwNiA=
جزيرة ام اند امز
