أحمد فلوكس يرد هجوم محمد رمضان على والده: "عينك على دور الرقاصة"
رد الفنان المصري أحمد فلوكس على تصريحات النجم محمد رمضان، وانتقاده لدور والده فاروق فلوكس، وبالتحديد دور "صبي الراقصة".
وكتب أحمد فلوكس عبر حسابه على موقع "فيسبوك": "شوف يا حمادة، أنت ترفض تعمل دور صبي رقاصة لأنك دايمًا نمبر وان، فأكيد هتبقى عينك على دور الرقاصة نفسها، مش الصبي بتاعها".
وأضاف "فلوكس": "أنت ما شاء الله ناجح في ده جدًا، وبتعمله سهل وأنت عريان ما دريان، نمبر وان بقى يا سيدي، زي بالظبط ما يكون واحد مسجل نشل، استحالة يحلم يكون أمين شرطة، حلمه هيكون أكبر من كده، هيكون نمبر وان".
وأردف أحمد فلوكس: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة".
أحمد فلوكس عن محمد رمضان: "أخلاق صبي رقاصة"
وواصل هجومه على محمد رمضان قائلًا: "أنا بحمد ربنا أكتر وأكتر إنه (والدي) ما خلفش واحد مسجل نشل؛ لأن المسجل هتكون أقصى طموحه أن يكون أسطورة، وهيرقص برضه بس عريان، وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة".
واختتم قائلًا: "في نهايه كلامي ربنا يوفق الجميع، وربنا يكفيك شر حفيد البشوات لما يكون كمان صعيدي ومتعلم ومتربي تربية ولاد البلد الرجالة ومن الأشراف (..) علشان لما بيغضب بيبقي عامل زي الظابط كده اللي مسك مسجل نشل وهو بيسرق هدومه اللي عالمنشر، هيعرفه ساعتها العالمة كانت عالمة بإيه".
محمد رمضان: "لو هشحت مش هعمل دور صبي عالمة"
وجاء رد أحمد فلوكس بعد تصريح قديم للفنان محمد رمضان في أحد البرامج التليفزيونية، قال فيه: "فيه فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير".
فيلم "الراقصة والسياسي" شارك في بطولته: نبيلة عبيد، صلاح قابيل، فاروق فلوكس، أحمد عقل، فاطمة فؤاد، نورا شارل وسهير توفيق، وعدد آخر من الفنانين، وهو تأليف إحسان عبدالقدوس، وإخراج سمير سيف.
وجسّد الفنان فاروق فلوكس شخصية صبي عالمة للفنانة نبيلة عبيد، وهو "شفيق ترتر"، ونجح الفيلم الصادر عام 1990 في ترك بصمة كبيرة في السينما المصرية.
aXA6IDE4LjE4OC4yMTkuMTMxIA==
جزيرة ام اند امز
