عمرو يوسف: السينما المصرية تتطور.. وتمنيت مقابلة نجيب الريحاني (خاص)

أعرب الفنان عمرو يوسف عن سعادته بالمشاركة في فعاليات مهرجان الجونة السينمائي هذا العام، مشيرًا إلى ارتباطه الكبير بمدينة الجونة منذ سنوات طويلة حتى قبل انطلاق المهرجان.

وقال يوسف في تصريح خاص لـ"العين الإخبارية": "أنا بحب الجونة جدًا، ومن الناس اللي بتتواجد فيها من زمان قبل حتى المهرجان، والمكان دا ليه روح مختلفة، والمهرجان بقى بحلاوته وشيكته علامة مهمة جدًا في الفن المصري".

وأضاف: "أنا سعيد بوجودي هنا، وسعيد بتطور المهرجان سنة بعد سنة، الحقيقة عمر بنسي عامل مجهود جبار، وكل الناس المشاركين، ونجيب وسميح ساويرس كمان، بيقدموا حاجة تشرف وتفرّح".

وأكد عمرو يوسف أن هذا التطور الملحوظ يعكس المكانة المتجددة للسينما المصرية، موضحًا: "دي حاجة تهمني جدًا وتخصني جدًا، لأن السينما المصرية طول عمرها رائدة، والمهرجانات دي بتعيدها للواجهة في شكل راقٍ ومشرف".

وتطرق يوسف خلال حديثه إلى تهنئة الفنان محمد حاتم بزواجه قائلًا: "حتومة حبيب قلبي، ألف مليون مبروك، وكان نفسي أكون موجود في الفرح لكن للأسف ماقدرتش، بس أنا سعيد لي جدًا، وبيجمعنا صداقة جميلة، واشتغلنا مع بعض قبل كده في مسرحية، وهو إنسان بسيط وجميل جدًا، وأتمناله كل التوفيق خلاص دخل قفص الذهب".

وعن الشخصية التي كان يتمنى مقابلتها لو عاد به الزمن، قال عمرو يوسف مبتسمًا: "في ناس كتير، لكن يمكن أكتر واحد كنت أحب أشوفه وأقعد معاه هو نجيب الريحاني، راجل كان سابق عصره وعنده فكر مختلف، ولو كان شاف اللي بنعمله النهارده كان ممكن يقول: إيه الدوشة اللي عاملينها دي".

وختم حديثه قائلاً: "أنا فخور جدًا بتطور السينما المصرية، وبكل صناعها اللي بيكافحوا علشان تفضل في المقدمة دايمًا".