بالفيديو.. مطرب"آه لو لعبت يا زهر" يكشف أسرار نسر الصعيد لـ محمد رمضان
كلمات تتر مسلسل "نسر الصعيد" الذي يغنيه المطرب الشعبي أحمد شيبة تكشف تفاصيل العمل الذي يقوم ببطولته النجم محمد رمضان خلال شهر رمضان
كشفت أغنية المطرب الشعبي المصري أحمد شيبة تفاصيل أحداث مسلسل نسر الصعيد للنجم المصري محمد رمضان ونشر منتجو المسلسل أول برومو عن المسلسل ضم أغنية التتر لأحمد شيبة مطرب أغنية "آه لو لعبت يا زهر".
وكشفت كلمات أغنية "يعلم ربنا" كلمات رضا المصري وألحان فارس فهمي وهي أغنية التتر ما يمر به محمد رمضان من أحداث حيث يواجه خيانات قريبين له بسبب أطماعهم، ويقرر أن يفتح "دفاتر الحساب" ليعاقب من ظلمه وتخلى عنه في وقت الشدة، مؤكدا أنه يمسك "ألف زلة" لمن تخلوا عنه، ويقرر نسر الصعيد " محمد رمضان" أن يخسر قريبين منه خذلوه تحت شعار "خسارة قريبة ولا مكسب بعيد"
ويرفض محمد رمضان مسامحة من ظلمه لأن السماح يكون مع "ناس تقدر".
كلمات تتر مسلسل نسر الصعيد
يعلم ربنا ما جيتش مرة زعلت حد
بأعمل مش هنا لو جه في مرة ظلمني حد
لا كلام هاينفع ولا الندم أصبح يفيد
الزم حدودك لو قصاد نسر الصعيد
ألف شكر للظروف والأيام خليتني أشوف
يوم ما هأفتح الدفاتر مش ها أخلى لحد خاطر
واللي عنده حساب يجيبه
واللي وقت الشدة سابني
يبقى يقعد ويحاسبني
وحقي ها أخده ومش ها أسيبه
الأيام بتروح وتيجي
واللي عايز بكرة ييجي
مش هايلاقي غير مافيش
واللي ناسي عمايله فيه
عنده ليه مفاجأة وهدية
والجميل ما بيتنسيش
واللي كانوا بيحضنوني
ومن خدودي وبيبسوني
كله ينسى ده كان زمان
قلبي أصله معبي منكم
غلطته إنه مآمنكم
سمعتوا ولا أقول كمان
واللي قل معايا قلة
ها أفتكر له ألف زلة
والجدع يعرف يسد
ده أنتو يا ما وصلكو مني
والنهاردة مكدبيني
هاتو ناس تعرف تعد
ألف شكر للظروف والأيام خليتني أشوف
يا اللي كنت في يوم شاريكم
بعتكم وخسرت فيكم
وها بتديها من جديد
ده أنتو أفعالكم غريبة
والخسارة لو قريبة
أحلى من مكسب بعيد
والطمع دايما ماليكو
خدتوا مال الدنيا ليكو
بكرة تمشوا وها تسيبوها
والمباديء بتبيعوها
والأصول فجأة نسيتوها
واللي منكم تجرحوه
واللي فاكر نفسه حاجه
عايزه بس يقولي حاجة
راح يدوق مر الكلام
ده أنتو واجب تشكروني
وفي الصحافة تكرمون
ها نقول إيه؟ ناقصين علام
هي كلمة ومش ها أكتر
السماح مع ناس تقدر
من صراحتي ما تزعلوش
لون نسيتوا أنا لسه فاكر
كل يوم بأكتب وأذاكر والرخيص ما بأغليهوش
ألف شكر للظروف والأيام خليتني أشوف
