مريم أشرف زكي تتحدث عن شغفها بالتمثيل منذ صغرها (خاص)

أكدت الفنانة مريم أشرف زكي خلال لقاء مع "العين الإخبارية" أن دورها الجديد في مسلسل الراعي يعد أهم شخصية قدمتها في حياتها الفنية، مشيرة إلى صعوبته ومتعة التحدي في الوقت نفسه.

وقالت: "أخدت الدور ده علشان أثبت نفسي، وإن شاء الله يعجب الجمهور. أنا طالعة بنت أستاذ خالد الصاوي وإحنا عائلة كبيرة، وده بيخلي التجربة أكبر وأجمل".

وأوضحت مريم أن العمل مع فريق مكون من أستاذ ماجد المصري وأستاذ أحمد عيد، وأضافت: "الكاست رهيب، وأنا فخورة إني جزء من التجربة دي. دائمًا أشوف التمثيل شغف في حد ذاته، وكل دور بعمله بحس إني عايزة أثبت نفسي وأكون أحسن نسخة من نفسي".

الدعم العائلي

وأكدت مريم أن دعم أسرتها كان له دور كبير في بناء شخصيتها المهنية: "أكبر نعمة إن عندي أم وأب بيدعموني جدًا وبيكونوا صرحاء معايا، لو محتاجة مذاكرة أكتر بيقولوا لي. الموضوع صحي جدًا وبيعزز علاقتي بالمجال اللي دخلته".

وأضافت الفنانة الشابة: "من وأنا صغيرة بشوف أختي بتحب الإخراج وبتشتغل بجد. ده بيعلمك إن الاجتهاد يستحق النجاح. وأنا بحس إن دي حاجة بتخليني عايزة أعمل أحسن وأقوي علاقتي بالتمثيل".

• سولاف فواخرجي تكشف طريقتها في التعامل مع الانتقادات والتجاوزات (خاص)

مشاريع قادمة ومتنوعة

وأعلنت مريم عن مشاريعها المقبلة، قائلة: "إن شاء الله هيكون فيه مسلسل 'أندر إيج' مع أستاذ يحيى إسماعيل، المسلسل كله أبطال صاعدين. أتمنى يعجب الجمهور، وإن شاء الله نكمل مشوار النجاح".