مايان السيد تكشف لـ«العين الإخبارية» الدور الأصعب في مسيرتها
عبّرت الفنانة مايان السيد عن سعادتها الكبيرة بعرض فيلمها الجديد في مهرجان الجونة السينمائي، مؤكدة أن الدور الذي تقدمه في هذا العمل يُعد من أصعب الأدوار التي جسدتها منذ بداية مسيرتها الفنية، لما يحتويه من طبقات نفسية وتفاصيل دقيقة تطلبت استعدادًا خاصًا.
وقالت مايان السيد، في حديث خاص لـ"العين الإخبارية": "كل دور قدمته في حياتي كان مختلفًا عن الآخر، لكن هذا الدور تحديدًا من أصعب الأدوار، لأنه مليان طبقات وتفاصيل كثيرة جدًا. كنت محتاجة أتعلم حاجات جديدة عشان أقدر أن أؤديه بالشكل المطلوب، واتعلمت فعلًا حاجات كتير أثناء التحضير".
وأوضحت أنها قضت وقتًا طويلًا في التحضير مع المخرجة، مضيفة: "أنا والمخرجة كنا بنقعد كتير مع بعض على الورق، ونختار كل تفصيلة: هنا محتاجة أعمل إيه؟ وهنا محتاجة أغير في إيه؟ يعني كان في تركيز شديد على كل لحظة وكل إحساس في الشخصية".
وأكدت مايان أن التجربة كانت مختلفة لأنها بدأت التحضيرات قبل التصوير بفترة طويلة داخل مدينة الجونة نفسها، قائلة: "إحنا الموضوع بدأ من قبل التصوير، جينا الجونة مخصوص عشان نذاكر ونستعد، فده خلّى التجربة قريبة جدًا من قلبنا، وخلّى عرض الفيلم هنا ليه طعم تاني ومميز جدًا بالنسبة لنا".
وأضافت : "إحنا حبينا بعض جدًا خلال فترة الشغل، بقينا قريبين من بعض، وأنا وأستاذ سعداني عندنا علاقة صداقة قوية جدًا، وكمان أنا وعمر روزي بقينا أصحاب بجد، بحبهم جدًا وبأتمنى لهم النجاح من قلبي".
وعن مشاعرها تجاه عرض الفيلم أمام جمهور المهرجان، قالت مايان السيد: "يا رب الفيلم يعجب الناس ويقدروا الجهد اللي اشتغلنا عليه. إحنا تعبنا جدًا في كل مشهد عشان نوصل إحساس حقيقي يوصل للجمهور".
واختتمت حديثها: "أما بالنسبة للسؤال عن لو أحب أعيش التجربة دي في الواقع ولا في الخيال؟ أحب أعيشها في الواقع طبعًا، لأن الخيال ساعات بيقلش! فخلينا في الواقع أحسن".
