لهذا السبب لم يفكر معتصم النهار مرتين في قبول «أنا أنت.. أنت مش أنا» (خاص)
عبّر الفنان معتصم النهار عن سعادته البالغة بوجوده في مصر، مؤكدًا أن مشاعره ليست مجرد كلمات تقال، بل نابعة من قناعة بأن مصر تمثل قلب الفن العربي.
وقال النهار باللهجة المصرية: "مفيش فنان مايحسش إنه لازم يكون عنده تجربة في مصر، والحمد لله إني موجود هنا دلوقتي. بالنسبة لي، ده مش يوم عادي، دي محطة فنية مهمة جدًا في حياتي، من خلال عمل مميز ومخرج وممثلين شاطرين".
وأضاف: "اللي جذبني للعمل إنه من أول الاتفاق على الفكرة، عرفت إننا قدام كتاب عمل مميز، خارج الصندوق، بيتكلم عن عالم الميتافيرس. العمل بيطرح أسئلة زي: إزاي تكون نسخة أحسن من نفسك؟ إزاي تستخدم الذكاء الاصطناعي لتحقيق اللي أنت عايزه؟ وهل تقدر تتحكم فيه ولا هيسيطر عليك هو؟ دي أسئلة مهمة بنطرحها في المسلسل، وكمان مش بس كده، فيه دراما وأكشن وكوميديا. متحمس جدًا علشان نقدم مشروع يليق بالمشاهد العربي".
فكرة مسلسل "أنا أنت.. أنت مش أنا"
كشف النهار عن أن العمل الجديد لم يكن مجرد اختيار عابر، بل جاء بعد عرض العديد من الأفكار عليه، إلا أن هذه الفكرة تحديدًا كانت الأكثر جذبًا له. وقال:
"اتعرض عليّ أفكار كتير قبل كده، بس دي كانت أكتر فكرة شدتني، وكل ظروف العمل من إنتاج وإخراج وزملاء كانت مثالية جدًا. أنا بصراحة تعبت من الدراما اللي بتتكرر، علشان كده لما لقيت فكرة المسلسل مختلفة، اندفعت لها فورًا".
وتابع: "بكرة، بعد أول حلقتين أو ثلاثة، الناس هتتعود على المسلسل، وهيحبوه. العمل فيه كل عناصر النجاح، من شركة إنتاج محترفة، لنص مكتوب بحرفية، ومخرج شاطر، وممثلين مميزين، مفيش اتنين يختلفوا عليهم".
تفاصيل مسلسل "أنا أنت.. أنت مش أنا"
يستعد الفنان معتصم النهار لخوض بطولة مسلسل جديد بعنوان "أنا أنت.. أنت مش أنا"، يشاركه فيه الفنانة المصرية ميرنا نور الدين، ويضم 15 حلقة. المسلسل من تأليف أحمد محمود أبو زيد، وإخراج هشام الرشيدي، وهو من فكرة الفنان كريم أبو زيد، وينتمي إلى نوعية دراما الكوميديا الاجتماعية.
يركز المسلسل على التداخل المتزايد بين الواقع والعالم الافتراضي، من خلال استكشاف ظاهرة "الميتافيرس" وما يرتبط بها من أسئلة حول الهوية، والتطور التكنولوجي، وتأثير الذكاء الاصطناعي على حياة الأفراد. ويُعرض العمل تصورًا دراميًا لكيفية استخدام هذه التقنيات لتحقيق طموحات شخصية، أو الوقوع تحت سيطرتها.
إنتاج وتطوير الفكرة
المسلسل فكرة الفنان كريم أبو زيد، والذي من المقرر تصويره خلال الفترة المقبلة، تحت إدارة المخرج هشام الرشيدي وتأليف أحمد محمود أبو زيد. ويُنتج المسلسل إيهاب منير، ومن المنتظر أن يكون إضافة نوعية للموسم الدرامي المقبل، بفضل تركيبته التي تجمع بين الترفيه والطرح الاجتماعي الحديث.
aXA6IDE4LjIyMy45Ny40NiA= جزيرة ام اند امز
