30 ثانية لعروس مصرية في حفل زفافها تشعل السوشيال ميديا (فيديو)
30 ثانية كانت كفيلة بأن تصبح عروس مصرية حديث مواقع التواصل الاجتماعي، بين منتقد ومرحّب بشروط.
في الفيديو القصير تظهر فتاة تدعى "أمنية طارق" وهي تطلب من خطيبها قبل التوقيع على عقد قرانها بعض الشروط، حيث طلبت منه احترام الأهل والأقارب خاصة أمّها.
وقالت العروس لعريسها أمام الحضور خلال الفيديو: "أنا واثقة في ربنا وفيك أنك هتكون خير الزوج والسند والصاحب، ومندمتش في يوم إني اخترتك، بالعكس كنت أعظم وأفضل انتصاراتي في الحياة".
وأضافت: "هطلب منك طلب، زي ما هشيل أهلك في عيني هتشيل أهلي في عينك، والصغير في عيلتي قبل الكبير، ومع احترامي لكل أهلي، أمي، ثم أمي ثم أمي".
وحظي المقطع المصّور بتفاعل واسع على مواقع التواصل الاجتماعي، بين من انتقد اختيارها هذا الوقت في إملاء الشروط، وبين من هاجم طريقتها وتصويرها لهذه اللحظة ونشر الفيديو على موقع "فيسبوك".
يقول حساب حمل اسم "منى يوسف": "يابنتي حفظتي كل الكلام ده إزاي وإمته الواحدة بعد كتب الكتاب بتبقي خلاص طايرة من الفرحة وبعدين اللي المفروض يقول الكلام ده باباكي مش إنتي.. انتي صغرتيهم كلهم افهمي.. إنتي مش جامدة كدة بالعكس".
وكتبت "صابرين يعقوب": "الطريقة نفسها مستفزة وكإنها بتحارب.. وكمان الكلام ده بينه وبينها حتى ياستي لو مش بينه وبينها تقوله بطريقة ألطف من كده مش تكسفه كده قدام أهلها وأهله".
وقالت إيمي علاء: "الكلام حلو بس مش عارفة حسيت طريقتك ناشفة حبه بس الكلام مش غلط بس ممكن مش مكانه".
وأضافت إيمان حسن: "من قواعد الزواج إن أي حاجة بينكم الناس متعرفهاش فـ إنتي من كتب الكتاب شهدتي الناس! هو أنتم مش هتقعدوا مع بعض خالص ولا إيه؟".
وغرّدت رحمة عبر حسابها على "تويتر": "كلامك حلو بس أسلوبك وحش جدا الكلام دا كان ممكن يكون بينك وبينه أفضل وبرضو بأسلوب أحسن من كدا أسلوب الإلزام في الكلام مش لطيف".
وبعد ساعات من الهجوم نشرت العروس تدوينة قالت فيها: "كل الشكر للكومنتات السلبية بجد".
أمنية طارق قفز عدد متابعيها على "فيسبوك" أكثر من 4 آلاف خلال ساعات، وهي من مدينة كفر الدوار الصناعية التي تبعد 30 كيلومتراً شرق مدينة الإسكندرية الساحلية، وتعمل بأحد المستشفيات الخاصة كما تعرف نفسها عبر حسابها، كما درست في الكلية التكنولوجية بالإسكندرية.
