صور: أبطال مسلسل "فريندز" في دمشق.. ما القصة؟
يمكن لسكان العاصمة السورية دمشق من محبي المسلسل الأمريكي"فريندز" أن يعيشوا في أجوائه ومع شخصياته في مقهى اتخذ منه موضوعا رئيسيا.
وأطلق ملاك المقهى عليه اسم "جانثر" وهو اسم شخصية في المسلسل.
واقتبسوا العديد من التفاصيل التي كانت مميزة لمقهى "سنترال بيرك" حيث كان أبطال المسلسل يلتقون مثل الأكواب والأرائك والتصميم الداخلي والجدار المطلي على شكل الطوب.
كما ملأوا المكان بصور للشخصيات وبعض الجمل الشهيرة التي ارتبطت في أذهان المعجبين بالمسلسل الذي استمر عرضه لعشرة مواسم.
وقالت أليس قسيس من زبائن المقهى وهي من أشد المعجبات بالمسلسل: "كل شي عم يقربني أكتر من المسلسل. معتنيين بأدق التفاصيل.. يعني مثلا أنا الباب كتير بيعنيلي (يهمني) وقت جيت شفته.. حسيت إنه بدي أفتح بدي لاقي الشخصيات وراه. فكانوا عم يشتغلوا كتير على تفاصيل ممكن احسها إنه عم تقربني أكثر من أجواء المسلسل".
وروت كيف كانت تتطلع لافتتاحه قائلة: "من أول بلشوا (بدأوا) ينزلوا البوستات على السوشال ميديا ونشوف التيزر (الإعلان التشويقي) اللي نزل للقصة حسيت إنه أنا خلاص عنجد رح التقى برفقاتي بهاد المكان".
وعلى الرغم من أن عددا من المقاهي التي تستلهم تصميمها من مسلسل فريندز موجودة في مدن سورية أخرى إلا أن ذلك المقهى هو الأول في دمشق.
وقالت تقلا من مرتادي المقهى "يعني كنا ناطرين هيك مشروع يصير هون لأن كان فيه بغير محافظات بس إنه أخيرا صار هيك شي بالشام".
ويقول زاهي بشارة أحد ملاك المقهى إن الإقبال عليه جيد للغاية وفاق التوقعات "حتى بهي الفترة اللي كنا عم نحضر فيها.. رجعوا عالم لساتنا (ما زلنا) بفترة التحضير يسألوا.. امتى الافتتاح؟ كان في تجاوب أكثر من المتوقع".
وقالت غزل عن اختيارها هي وصديقاتها لهذا المقهى للاحتفال بعيد ميلاد صديقة لهن: "حبينا نعملها عيد ميلادها... لأنه هي كتير بتحب فريندز وهيك فكرة الكافية كتير جديدة".
