منوعات

رسائل مؤثرة لنجلي محمود عبدالعزيز في ذكرى ميلاده

الأحد 2017.6.4 08:18 مساء بتوقيت أبوظبي
  • 2198قراءة
  • 0 تعليق
الفنان الراحل محمود عبدالعزيز

الفنان الراحل محمود عبدالعزيز

قال المنتج محمد محمود عبدالعزيز، إن اليوم هو ذكرى ميلاد والده الفنان الراحل محمود عبدالعزيز، حيث ولد في ٤يونيو/حزيران ١٩٤٦.

وكتب محمد رسالة إلى والده قال فيها: "يوم ٤-٦-١٩٤٦ هو يوم عيد ميلاد حضرتك، وزي كل سنة لازم أكون أول واحد يقول لحضرتك كل سنة وحضرتك طيب وبخير يا حاج، كان نفسي أكون جنبك وأبوس راسك زي ما دايما بعمل، ياريته كان بإيدي".

وأضاف، خلال رسالته التي نشرها على صفحته الرسمية بموقع فيسبوك، "أنا متأكد إن حضرتك إن شاء الله في أحسن حال، يا رب أكون عند حسن ظن حضرتك ويا رب تكون راضي عني ويا رب تكون الهدايا بتاعتي بتوصل لحضرتك، وربنا يقدرني إني أكون سبب يخلي حضرتك فرحان ومبسوط في مكانك الطاهر النضيف، مش قادر أقول لحضرتك وحشتني علشان والله العظيم اللي أنا حاسس بيه أكبر من كده بكتير لدرجة إني مش لاقيله وصف، حتى كلمة بحبك بقى الإحساس اللي جوايا لحضرتك أكبر منها بكتير أوي. اللي مصبرني إني متأكد إن حضرتك في مكان أحسن بكتير من اللي إحنا فيه".

وتابع قائلا: "كل سنة وحضرتك طيب وإن شاء الله نتقابل قريب وأتمنى يوم ماجيلك يكون مكاني جنب حضرتك. لا إله إلا الله سيدنا محمد رسول الله".

وبعد أن ختم رسالته طالب الجمهور بأن يشاركوه في إرسال هديته لوالده العزيز الغالي بالدعاء له والترحم عليه.

كما نشر الفنان الشاب كريم محمود عبدالعزيز، النجل الأصغر للفنان الراحل، صورة تجمعه بوالده وهو يقبل يده في مشهد من مسلسل "جبل الحلال" وعلق عليها قائلا: "٤-٦ أهم يوم، كل سنة وحضرتك طيب، يا صاحبي وأخويا وابني وأبويا".


تعليقات