38 دقيقة إنعاش للقلب.. لحظات أحمد سامي العدل الأخيرة
معاناة شديدة عاشها المصري أحمد سامي العدل، قبل وفاته داخل أحد مستشفيات العاصمة القاهرة.
وكشفت رشا سامي، عن تفاصيل اللحظات الأخيرة في حياة شقيقها الراحل أحمد سامي العدل، ووفاته المفاجئة بعد رحلة جمعت بينهما.
ونشرت رشا سامي العدل، صورة جمعت بينها وبين شقيقها الراحل عبر حسابها الشخصي على "فيسبوك"، وروت تفاصيل اللقاء الأخير بينهما.
وكتبت: "قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير".
وأضافت أنها فوجئت باتصال يخبرها بنقله إلى المستشفى: "رجع القاهرة على وعد بلقاء قريب نتجمع فيه تاني، وجه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايد على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية وأسيبه يرتاح شوية".
وتحدثت شقيقه أحمد سامي العدل عن لحظات الرعب التي عاشتها بعد توقف نبضه، قائلة: "وفي عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظة، يا دوبك لفيت ظهري ولسه هاخرج أشوف موضوع الإسعاف ونقله".
وتابعت: "لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفة قدامة قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي".
وتوفي نجل سامي العدل، السبت، إثر الإصابة بجلطات في الرئة وشيع جثمانه في نفس اليوم بعد صلاة العصر.
aXA6IDMuMTQuMjQ3LjE2MSA= جزيرة ام اند امز
