شقيق أنوسة كوتة يهاجم عامل السيرك المصاب: «يستفز الحيوانات»

خرج شقيق مدربة الأسود أنوسة كوتة عن صمته مدافعًا عنها بعد الاتهامات التي وُجهت إليها عقب تعرض مساعدها لهجوم من نمر وبتر ذراعه.

ونشرت أنوسة كوتة مقطع فيديو عبر صفحتها على "فيسبوك" يظهر فيه شقيقها وهو يوجه انتقادات حادة للمصاب، متهمًا إياه بالإهمال ومحاولة التباهي أمام أصدقائه، رغم أن ربط الحيوانات ليس من ضمن مهامه الوظيفية.

• بعد الهجوم بساعات.. بتر ذراع مساعد مدرب الأسود في سيرك طنطا

وقال شقيق أنوسة: "مبروك الترند يا بسطاويسي! كنت هتسبب في كارثة وتعرض المدربة والجمهور كله للخطر علشان تتمنظر! بتقول إن الحيوانات دي مكلتش من 10 رمضان، يعني من 25 يوم، طيب إزاي المفروض يأكلوا إيدك وإنت برا القفص مش المدربة اللي جوه؟ أنت بتستفز الحيوانات اللي متعرفكش، مستني منهم إيه؟".

وأضاف: "مش منطقي تقول إن المدربة لم تهتم بك، رغم إنها اصطحبتك للمستشفى فور إصابتك وهي بملابس العمل. وبعدين، هي قعدت في النيابة 8 أو 10 ساعات تحاول تحميك وتحمي الجمهور، وبلغت أهلها عشان يكونوا معاك. فهل فعلاً راحت النيابة علشان تهملك؟".

واستكمل حديثه قائلاً: "لما تراجع الكاميرات، هتشوف إزاي أنوسة واجهت النمر لما هجم عليك، وشوف في كام أسد كان على الأرض وهي مدياهم ضهرها! كانت ممكن تضيع في ثانية! دخول عم شعبان القفص كان كارثة تانية، لأنها كانت مسؤولة عن 3 حاجات في نفس الوقت: فك النمر اللي هجم عليك، حماية عم شعبان، والتأكد من إن أي حيوان مش هيهرب من القفص. إحنا لازم نفرغ الكاميرات عشان الكل يعرف الحقيقة!".

رد أنوسة كوتة

وفي وقت سابق، أوضحت أنوسة كوتة أن ما حدث كان نتيجة خطأ فني من مساعدها، حيث أدخل يده إلى القفص أثناء العرض، مما أدى إلى هجوم النمر عليه.

وأضافت في فيديو على مواقع التواصل: "النمر سيتم نقله للقاهرة لإعادة تأهيله، ولن يشارك في العروض مرة أخرى." كما أكدت عدم وجود أي إصابات بين الجمهور، مشيرة إلى أنها متواجدة في المستشفى للاطمئنان على العامل المصاب.