آية سماحة تتحدث لـ«العين الإخبارية» عن مشاريعها الفنية المقبلة
كشفت الممثلة المصرية آية سماحة عن تفاصيل مشاركتها في مهرجان الجونة السينمائي 2024 لأول مرة، ومشاريعها الفنية المقبلة.
وقالت في مقابلة مع "العين الإخبارية": "دي أول مرة أشارك في مهرجان الجونة، وأنا مبسوطة جداً إننا كلنا متجمعين في مكان واحد، وبنتفرج على أفلام قصيرة بتقدم حاجات كتير مفيدة وجميلة. المكان رائع، كنت دايماً أتمنى أجي وأخدت الفرصة وجيت، ومبسوطة جداً".
وعن استعداداتها للظهور على السجادة الحمراء، قالت: "الموضوع مش سهل، دوخت من كتر ما شفت فساتين كتير، لكن بروح دايماً للأشخاص اللي بثق فيهم وعارفين يبرزوا هويتي الشخصية. كان عندي شوية مشاكل يوم أمس لكن الأمور مرت على خير الحمد لله".
وحول إطلالتها الأخيرة، قالت: "الإطلالة كانت ببساطة من قسم الملابس الرجالي، من اختيار ياسمين عيسى، وأحس أنها فاهماني جداً وبتعرف تطلع اللي في داخلي بشكل طبيعي ومريح"، مشيرة إلى أن "أحلى حاجة في الدنيا إن الناس بتحبني، وأنا بعتبر ده نعمة من عند ربنا. لما ألاقي الناس بتضحك في وجهي وتستقبلني بحب، ده أكتر حاجة بحبها في شغلي".
وتطرقت للحديث عن مشاريعها الفنية المقبلة قائلة: "الفترة الجاية عندي فيلم 6 أيام مع أحمد مالك، وفيلم من أيام الجيزة مع إياد نصار. كمان عندي مسلسل مع أكرم حسني في رمضان، وفي احتمال يكون عندي حاجة تانية قريب".
وحول عدم مشاركتها في الجزء الجديد من "كامل العدد"، قالت: "للأسف، الظروف ما ساعدتش إني أكون في الجزء التالت، لكن متأكدة إنه هيكون ممتع كالعادة وإنه هيحقق نفس النجاح"، مختتمة: "أحمد مالك ممثل موهوب جداً ويعمل بجد، وأنا بحب اللي بيقدمه. الفيلم معاه مش سهل، لكنه بيشتغل بتركيز وحرص، والمخرج كريم شعبان ده أول فيلم طويل ليه، وبيقدم شغل رائع".
aXA6IDEzLjU4LjIwMC43OCA= جزيرة ام اند امز
