شواطئ صديقة لأصحاب الهمم في مصر.. السباحة لم تعد حلما

عندما كان عبدالرحمن محمد، وهو صبي في سن المراهقة، يذهب إلى الشاطئ في مدينته الإسكندرية بمصر، على ساحل البحر المتوسط، كان عليه أن يلزم الممشى، يشاهد الأطفال الآخرين وهم يسبحون في البحر من مقعده على كرسيه المتحرك.

لكن هذا الوضع تغير الآن بعد أن افتتحت المحافظة أول شاطئ مجهز لاستقبال أصحاب الهمم من المعاقين، فقد أصبح بإمكانه دفع الكرسي ذي العجلات والتنقل على الرصيف واستخدام العوامات للسباحة في الماء والحصول على مساعدة عمال موجودين بالمكان لهذا الهدف.

ويبلغ طول واجهة شاطئ المندرة على البحر 230 مترا تم تخصيص ثلثه لأصحاب الهمم.

وتم تجهيز الشاطئ بمنصة خشبية تمتد حتى المياه، مع وجود عمال يساعدون الزوار، وكراسي خاصة وفريق إنقاذ بسيارة إسعاف على أهبة الاستعداد.

وقال رجب جودة، مؤسس ورئيس رابطة "شباب أهل التحدي" لخدمة أصحاب الهمم بالإسكندرية: "إحنا فرحانين بعد ما بقى لينا شاطئ خاص بذوي الهمم بالإسكندرية، ودا أول شاطئ على مستوى الجمهورية".

وأضاف: "طبعا كانت فكرة رابطة شباب أهل التحدي من ٢٠١٧. وكنّا إحنا بنتفرج ع البحر من على السكة ممنوع إن إحنا نقرّب لأن إحنا ما كناش عارفين ننزل البحر ولا نستمتع بيه. دلوقتي إحنا بقى زينا زي الأسوياء فى كل شيء. لا نطلب مساعدة من أحد، إحنا بننزل بنفسنا، بكراسينا وعكاكيزنا وبنستمتع بالمياه"

وتابع:. "الأول كنا بنتفرج على البحر زى أى حد معدّي، وكانت حسرة في قلبنا إن إحنا كأننا موش موجودين".

وتهدف المبادرة أيضا إلى تشجيع الاندماج وجعل خدمات الأماكن العامة في متناول الجميع.

وقال محمد، وهو سعيد بفرصة السباحة البحرية: "أنا مبسوط جدا إن هم عملوا لنا شاطئ مخصص لينا عشان الأول ماكنتش بعرف أنزل ودلوقتي مش محتاج ولا مساعدة بابا ولا مساعدة أي حد وبعرف أنزل إلى المياه زي أي حد".

من جهته قال اللواء جمال رشاد رئيس الإدارة المركزية للسياحة والمصايف بمحافظة الإسكندرية: "المحافظ أعطانا تعليمات إن إحنا ننشئ الشاطئ رقم ٢ شاطئ مجاني ومخصص منه جزء لذوي الهمم في العجمي، وإحنا خدنا التكليف النهاردة هنشتغل عليه.. إحنا بالمبادرة دي بنشجع السياحة على الشواطئ وخاصة بنستهدف ذوي الهمم إللي بيجولنا ويقيّموا التجربة من كل أنحاء العالم. مصر ستكون رائدة في هذه التجربة إن شاء الله".

وفي دلالة على حرص السلطات المصرية على توفير أقصى قدر ممكن من السلامة والأمان، قال اللواء محمد الشريف محافظ الإسكندرية: "باقي ٣ أو ٤ أيام بالكتير هنجيب صندوق حديدي هنحطه في البحر عشان ذوى الهمم ينزلوا بالكراسي بتاعتهم فيه يبقوا وسط المياه من غير ما نعرض حياتهم للخطر".