بسبب «الحاجة نبيلة».. هجوم من الملحن محمد يحيى على عمرو أديب
وجّه الملحن محمد يحيى انتقادًا حادًا للإعلامي عمرو أديب عقب حلقته التي استضاف خلالها "الحاجة نبيلة"، معربًا عن استيائه من تجاهل ذكر اسمه.
هاجم الملحن محمد يحيى الإعلامي عمرو أديب بسبب الحلقة الأخيرة من برنامج «الحكاية»، التي استضاف فيها «الحاجة نبيلة» على شاشة قناة «MBC مصر»، موضحًا أنه شعر بالانزعاج من طريقة تقديم الأغنية خلال الحوار، إذ قال أديب للمطربة الشعبية: «أنا شوفتِك وانتي بتغني، وشوفتك وهو بيحفظك».
الملحن محمد يحيى ينتقد عمرو أديب بعد حلقة "الحاجة نبيلة"
علّق محمد يحيى على جملة «هو بيحفظك» قائلًا عبر صفحته في فيسبوك: «أنا مش فاهم يعني إيه هو بيحفظك؟! هو الإعداد مش عارف يقول إن اللي عمل اللحن والفكرة أصلًا هو محمد يحيى الملحن؟ المفروض يقولوا الاسم، لكن لما يقول هو اللي بيحفظك، هو مين يعني؟ مش فاهم».
سبب هجوم محمد يحيى على عمرو أديب
أضاف يحيى في بث مباشر عبر حسابه على «فيسبوك»، قائلًا: «هنفضل لحد إمتى نتجاهل الناس اللي وراء الكواليس الحقيقيين اللي بيقدموا الفن بجد وبيصنعوا النجاح؟ أنا راجل بشتغل من 25 سنة، ناجح وشغلي معروف، ومش فارق معايا الإعلام، بس مش معقول يتقال عني هو بيحفظها!».
وتابع موضحًا: «حضرتك تدخل تشوف، والإعداد بتاعك يقولك إن ده الملحن الكبير محمد يحيى، وتطلع تقول اسمي، مش تقول هو، وأنا بصراحة مستاء جدًا من اللي حصل».
aXA6IDIxNi43My4yMTYuMTY5IA== جزيرة ام اند امز
