رسالة من السيسي لصناع الدراما بشأن "ضرب الرجل لزوجته" (فيديو)
انتقد الرئيس المصري عبدالفتاح السيسي، الأربعاء، القائمين على الدراما، خلال حضوره احتفالية تكريم المرأة المصرية والأم المثالية 2022.
وقال الرئيس عبد الفتاح السيسي: "لما تجيب في أي فيلم، وده مش ضد الإبداع، لما تجيب الحسن وتشاور عليه أفضل.. هو إنت مش عارف تعمل إبداع غير لما تجيب راجل بيضرب مراته، أو إن حد بيشتم؟".
- السيسي يعيد قصة انتحار فتاتين بسبب الصور المفبركة للواجهة.. ماذا قال؟
وأضاف: "قُلت المفروض الراجل وهو بيكلِّم الست يحط إيده ورا ضهره، الناس ضحكت.. فيه إيه يا عم؟ خلِّي إيدك ورا ضهرك، فيه إيه يا عم؟ النبي وصانا بالصلاة والمرأة.. دي استراتيجية تطلع منها مبادئ وتقاليد تحقق هذا الأمر، مش كلمة، النبي كان بيقول ده عشان أُمَّة تحط منهج فيه احترام وأدب وتقدير وذوق وخلق مع المرأة؛ كل المرأة مش المصرية بس".
واستطرد: "لما ييجي حَد يقول لي طب إحنا.. أضرب بقى، تضرب إيه؟ دا كلام يجوز؟ مايصحش حَد يؤلم سيدة ماشية في الشارع بنظرة، ده كلام عجيب، لازم المجتمع يتوقف أمام ده، يقول إزاي إحنا كده، إن حد يؤلمها بنظرة، يبص عليها".
وأكمل الرئيس: "مش بنتكلم على قانون بس، دراما وإعلام ومثقفين ومسجد وكنيسة، كيف يُمارس هذا الأدب؟ أدب التعامل بيننا وبين بعضنا، ومع المرأة، إزاي يعني؟ إحنا كلنا مطالبين بده".
وشهد الرئيس المصري عبدالفتاح السيسي احتفالية تكريم الأمهات المثاليات لعام 2022، بمركز المنارة للمؤتمرات بالتجمع الخامس، أحد تجمعات مدينة القاهرة الجديدة.
