روشتة وفاء عامر لاستقبال رمضان: "والله فاهمين شهر الصوم غلط" (فيديو)
انتقدت الفنانة المصرية وفاء عامر بعض السلوكيات الخاطئة في شهر رمضان، ومنها التكالب على شراء مستلزمات رمضان والإسراف في الطعام.
وقالت وفاء عامر، في بث مباشر عبر صفحتها الرسمية بموقع "فيسبوك: "والله العظيم أنتم فاهمين رمضان غلط، نجيب اللي على قد احتياجاتنا ونشتري اللي إحنا عايزينه".
وأضافت: "اللي بيعمل كيس رز تقدري تعملي كيس رز، ولما تستخدمي نصه، شيلي النص التاني في الفريزر، وتاني يوم فكيه وحطيه في الميكرويف، والله العظيم بيبقى كأنك طابخاه حالا دلوقتي".
وتابعت: "ليه نعمل كيس رز ونرمي الباقي؟، نحط طبق الرز على السفرة ونأخذ منها بالمعلقة على قدنا، ونعلم ولادنا منسيبش حباية رز في الطبق، وده مش بخل. الحباية دي بتسأل علينا يوم القيامة وهنتحاسب عليها".
ولفتت الفنانة المصرية إلى أن "العالم كله قايم مش قاعد، وحروب في كل الدنيا، وإحنا بلدنا مستقرة، وهتفضل مستقرة طول ما إحنا جنب بعض، طول ما اللي معاه بيدي اللي معهوش، طول ما إحنا مبناكلش الحق، طول لو حد عليه ضريبة يدفعها وميتهربش، وربنا بيبارك".
وتشارك وفاء عامر في موسم مسلسلات رمضان 2022 من خلال بطولة مسلسل "جزيرة غمام"، حيث أوضحت أنه يحكي عن فترة مهمة في تاريخ مصر، وهي فترة العشرينيات، ويدور في قرية بالصعيد، مبينة أن الممثلين بذلوا جهدا كبيرا في تعلم اللهجة الصعيدية بشكل صحيح، لتقديمها بشكل أفضل للجمهور.
وأضافت عامر في تصريحات إعلامية إلى أن مكان تصوير المسلسل يجب أن يكون مزارا، لأنه أنفقت عليه أموالا كثيرة، وأصبح كأنه لوحة مرسومة، تمثل قرية كاملة، مؤكدة أن هناك مجاميع تمثيل تصل يوميا إلى 1000 شخص ويوجد خلية تتحرك في القرية الموجودة وسط إضاءة مميزة، وموسيقى تصويرية جديدة.
وتابعت: "أنا فخورة أني أكون في العمل ده، الفن الجيد يناسب جميع الثقافات، والمسلسل فيه معاني كثيرة للمجتمع متوسط الفكر والنخبة والجميع، هو مسلسل لكل الناس والطبقات، وأنا بحب في كل أعمالي، وبحاول عمل فن يفيدنا مش يبقى مجرد تسلية، مع إن الفن للتسلية أمر راق، من أجل إخراج الناس من حالة إلى حالة أخرى".
aXA6IDMuMTMzLjE1Ny4yMzEg
جزيرة ام اند امز
