بدرية طلبة ترفض الشماتة في البلوغرز الموقوفين: «الأرزاق بيد الله»

علّقت الفنانة المصرية بدرية طلبة على موجة الشماتة التي طالت عددًا من صناع المحتوى على «تيك توك» بعد توقيفهم مؤخرًا، مؤكدة أن الأرزاق بيد الله، وأن التشفي في مصدر رزق الآخرين لا يعكس سوى الغيرة.

وفي منشور عبر حسابها الرسمي على «فيسبوك»، قالت طلبة: «الحقيقة بتزعل وساعات بتوجع، وأنا حَفضل أقول الحق بتاع ربنا، (بعض) الشمتانين في البلوجرز اللي اتقبض عليهم غيرانين من الفلوس اللي بتدخلهم من الدعم على التيك توك».

وأضافت: «سيبك بقى من اللي يقولك إنه فرحان علشان البلد تتنضف، وأسلوبهم وطريقتهم ومحتواهم والهجص ده كله. عمومًا، اللي محتواه قليل الأدب يتعاقب، واللي غير محترم يتعاقب، واللي بيغسل يتعاقب».

وشددت طلبة على ضرورة التمييز بين من يسيئون استخدام المنصات الرقمية وبين من يعملون في إطار مشروع، موضحة: «لكن اللي ربنا كرّمه من الدعم من غير أي شبهات، ده رزقه وحقه، ومضربش حد على إيده علشان يدعمه. الشمتان مهما يعمل، دي أرزاق ربنا قسمها، ومحدش بياخد رزق حد».