نجيب ساويرس يغرد عن حريق الكنيسة.. وعمرو أديب: "القصد مش سهل" (فيديو)
جدل واسع أثاره رجل الأعمال المصري نجيب ساويرس بتغريدة صادمة بشأن حادث حريق كنيسة المنيرة في إمبابة.
وكتب نجيب ساويرس عبر حسابه الرسمي على "تويتر": "لم أرد أن أكتب تعزية قبل أن أعرف تفاصيل الحادث، لأننا في صعيد مصر لا نقبل العزاء قبل أن نعرف التفاصيل وأن نعرف الفاعل! الله هو المنتقم!".
وأضاف: "الله هو الذي سيأتي بحق الضحايا.. عزائي لمصر كلها بكل المسلمين والمسيحيين لأن كل من يعبد الله حزين".
وعلّق الإعلامي المصري عمرو أديب، على المنشور الذي كتبه رجل الأعمال نجيب ساويرس.
وقال عمرو أديب خلال برنامجه "الحكاية"، عبر فضائية "mbc مصر": أنا مش فاهم المنشور وإيه يقصد المهندس نجيب، بعض الجمل مش قادر على فهمها"، متابعًا: "واضح إن القصد مش سهل، طبعًا الانطباع إنه غاضب وهو أمر طبيعي، لكن هناك انطباعات أخرى، إنه ربما يعرف حاجة إحنا منعرفهاش".
وأضاف: "لن نستبق الأحداث، وفي انتظار نتيجة التحقيقات في الحادث من خلال تقرير المعمل الجنائي وبيان النيابة العامة"، متسائلًا: "هل نجيب ساويرس لديه معلومات أخرى؟، هذا أمر تكشف عنه الأيام المقبلة".
وتفاعل رواد مواقع التواصل الاجتماعي مع التغريدة، متسائلين عمّا يقصده رجل الأعمال وهل يلمّح إلى وقوع الحادث بفعل فاعل.
وغرّد حساب حمل اسم أحمد المصري على "تويتر": "يا ريته ماعمل تغريدة إلا بعد ما يتأكد.. عشان في كتير ممكن يفهموا غلط.. تويتة غامضة ومُريبة ومش وقتها".
وكتب حساب حمل اسم "رضوى": "ليه بتتكلم وكإن الحادث مدبر.. هو النت كان قاطع عندك من الصبح ولا إيه؟ ماس كهربائي نتيجة خلل في التكييف وكل اللي كانوا في الكنيسة قالوا إن التكييف كان بايظ، بلاش جو المؤمرات اللي عايش في ده".
وقال فادي محمد: "مش لازم نعيش جو المؤامرات باعترافات ناس في الكنيسة قالوا إن في تكييف كان بايظ وبعدها طلع دخان وبعدها حريق مفروض تناقش إزاي مفيش مخرج طوارئ دا اللي اتضح بعدها.. وإزاي مفيش رشاشات مياه بتاعت الحرايق اللي بتبقي في السقف ومفروض تسأل ليه تأخر الدفاع المدني؟.. لكن اللي بتقوله بيعمل فتنة".
وغرّد حساب حمل اسم "مريم أشرف": "ليه حضرتك وباقي رجال الأعمال مش بتجمعوا فلوس من بعضكم وتعملوا جهاز الإطفاء اللي بيتحط في السقف دا والميه تنزل لو حصل حريق زي المستشفيات وكده لإن الحوادث دي كتير جدا والإسعاف بيتاخرله ساعة ولا اتنين مفيش حل في الكنائس كده وربنا يرحم".
وكتب حساب "ندى سعد": "طيب ما كنت تشوف من الأول وتشوف الأماكن والكنائس المحتاجة تتظبط وتساعدهم وتوفر لهم أماكن أفضل أو تعمل على تحديث البناء وتشوف إيه اللي ناقص في هذا المكان أو غيره وتحاول تساعد".
وقالت "بوسي": "كلامك يراد به الفتنة والمعمل الجنائي أثبت إنه ماس كهربائي في المولد واحتراق التكييف فياريت تهدى على نفسك شوية.. عزاؤنا للمتوفين والشفاء للمصابين".
